Bu gün, Türk Dünyası Həmrəy və Sülh Qadınları Alyansının təşkilatçılığı ilə dəyərli xanımlarımızın iştirakı ilə səmimi və məhsuldar səhər yeməyi görüşü baş tutdu. Görüş Türk dünyasında qadın həmrəyliyinin və birliyinin daha da möhkəmləndirilməsi, sülh, inkişaf və əməkdaşlıq istiqamətində yeni təşəbbüslərin irəli sürülməsi baxımından mühüm əhəmiyyət kəsb edirdi.

 Tədbirdə Alyansın fəaliyyəti çərçivəsində yaradılmış müxtəlif departamentlərin təqdimatları keçirildi. Departament rəhbərləri gördükləri işlər və qarşıda duran məqsədlər barədə ətraflı məlumat verdilər. Həmçinin, departamentlərin fəaliyyət istiqamətləri və iş prinsipləri geniş müzakirə olundu, mövcud və gələcək layihələr, əməkdaşlıq imkanları barədə fikir mübadiləsi aparıldı.

 Görüş zamanı Alyansın strukturunda səmərəli idarəetmənin təmin olunması məqsədilə sədr və müavinlərin təyinatı da həyata keçirildi. Yeni təyin olunan rəhbər şəxslər qarşıya qoyulan əsas vəzifələri və planları iştirakçılarla bölüşdülər.

 Türk Dünyası Həmrəy və Sülh Qadınları Alyansı olaraq bir daha vurğulamaq istəyirik ki, biz Türk qadınlarının həmrəyliyini və birliyini qorumağa, dövlətimizin və rəhbərliyimizin yanında olmağa, onların inkişaf və rifahı naminə daim dəstəyimizi göstərməyə sadiqik. Gələcəkdə də atacağımız hər bir addımda, həyata keçirəcəyimiz layihələrdə bu prinsiplərə sadiq qalacağıq.

 Azərbaycan və Türkiyə başda olmaqla, bütün Türk dünyasını əhatə edən bu həmrəylik ruhunun daha da güclənməsi üçün birgə fəaliyyətə çağırır və bütün qadınlarımızı bu yolda əl-ələ verməyə dəvət edirik